ცნობილი გახდა რით იქნება დაკავებული მესუთ იოზილი კარიერის დასრულების შემდეგ, რის შესახებაც გერმანიის ნაკრების ყოფილმა ნახევარმცველმა მარტის ბოლოს გამოაცხადა.

როგორც გამოცემა Turkiyenewspaper-მა დაწერა, იოზილმა გადაწყვიტა კენჭი იყაროს თურქეთის პარლამენტის წევრობაზე. ის კანდიდატი იქნება მმართველი პარტიიდან, რომლის ლიდერია ქვეყნის მოქმედი პრეზიდენტი რეჯეპ ერდოღანი.

იოზილი კარიერის განმავლობაში თამაშობდა „შალკეს“, „ვერდერის“, „რეალის“, „არსენალის“, „ფენერბახჩესა“ და „ბაშაქშეჰირის“ შემადგენლობაში.

ნახევარმცველმა გერმანიის ნაკრებში 92 მატჩი ჩაატარა.