საუდის არაბეთის ქალაქ ერ-რიადში „კინგ ფაჰდის“ სტადიონზე ამხანაგური შეხვედრა გაიმართა, რომელშიც „პარი სენ-ჟერმენი“ ხვდებოდა ადგილობრივი კლუბების – „ალ-ნასრისა“ და „ალ-ჰილალის“ საუკეთესო ფეხბურთელებისგან შემდგარ გუნდს.

ლეონელ მესი „პარი სენ-ჟერმენის“ ღირსებას იცავდა, კრიშტიანო რონალდო კი „ალ-ნასრი“/“ალ-ჰილალის“ ძირითად შემადგენლობაში იყო. ეს პორტუგალიელისთვის დებიუტი იყო ახლო აღმოსავლეთში.

მატჩი დრამატულად დაძაბული, სანახაობრივი და უხვგოლიანი გამოდგა. საბოლოოდ, პსჟ-მა გაიმარჯვა. რაც შეეხება ამ მატჩის მთავარ გმირებს, მესიმ ერთი გოლი გაიტანა, რონალდომ კი დუბლი შეასრულა.

მატჩს 68 752 მაყურებელი დაესწრო.