ლიონელ მესი "პარი სენ ჟერმენთან" კონტრაქტის გახანგრძლივებას არ გეგმავს. ამის შესახებ ფაბრიციო რომანო იტყობინება.

წყაროს ცნობით, "ლა პულგას" "ბარსელონაში" დაბრუნება სურს, თუმცა ამის შესახებ საბოლოო გადაწყვეტილება მაისის თვეში იქნება მიღებული.

ცნობილია ისიც, რომ "ბლაუგრანას" მთავარი მწვრთნელი ხავი ერნანდესი არგენტინელთან ხშირად საუბრობს.

შეგახსენებთ, მსოფლიოს ყველა დროის ერთ-ერთ საუკეთესო ფეხბურთელს პარიზულ კლუბთან ხელშეკრულება მიმდინარე სეზონის ბოლოს ეწურება.