„თუ ქართველებმა და მოლდოვამ დაიწყეს ტერიტორიების გათავისუფლება რუსი ოკუპანტებისაგან, ჩვენ ამ საკითხს ბევრად უფრო სწრაფად მოვაგვარებდით“. ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა ალექსეი დანილოვმა განაცხადა.

მანამდე მან უკვე მოუწოდა საქართველოს, გაეხსნა „მეორე ფრონტი“ რუსეთის წინააღმდეგ.

„მაგრამ ეს არის მათი მთავრობების გადაწყვეტილება (არ დაიწყონ სამხედრო მოქმედება - რედ.), ეს არის ამ ქვეყნების გადაწყვეტილება. მათ მიაჩნიათ, რომ ჩვენი დახმარებით, ანუ როდესაც ჩვენ დავამარცხებთ რუსებს, ისინი ძალიან სწრაფად გაათავისუფლებენ თავიანთ ტერიტორიებს“, - აღნიშნა დანილოვმა.

მანვე განაცხადა, რომ მესამე მსოფლიო ომი დაიწყო 2008 წელს, როდესაც რუსეთის ფედერაცია თავს დაესხა საქართველოს და წაართვა ტერიტორიის ნაწილი.