ამერიკელი მსახიობისა და მომღერლის, მერილინ მონროს საქორწილო კოსტიუმი აუქციონზე გაიყიდება. ამის შესახებ გამოცემა TMZ წერს. გამოცემის ცნობით, ლოტის სასტარტო ღირებულება 1,5 მილიონი დოლარია.

თეთრი ბეწვის საყელოს მქონე ყავისფერი კოსტიუმი-ორეული, რომელიც ქურთუკისა და ქვედაბოლოსგან შედგება, მერილინს 1954 წლის იანვარში, ბეისბოლის მოთამაშე ჯო დი მაჯიოსთან ქორწილში ეცვა, აუქციონ Gotta Have Rock and Roll-ზე გაიყიდება. 

აღსანიშნავია, რომ მსახიობმა კოსტიუმი ნიუ-იორკში ერთ-ერთ მაღაზიაში იყიდა, ქორწილის შემდეგ კი პირადი ფოტოგრაფის, მილტონ გრინის სიდედრს აჩუქა.