გეიზენჰაიმის უნივერსიტეტის (გერმანია) მხარდაჭერით, ბადაგონის მეღვინეობას საერთაშორისო ღვინის ბიზნესისა და მეღვინეობა-მევენახეობის 25 სტუდენტი ეწვია.
მათ მოინახულეს ბადაგონის თანამედროვე ტექნოლოგიებით აღჭურვილი მეღვინეობა, ალავერდის მონასტრის მე-11 საუკუნის ისტორიული მარანი, სადაც ბადაგონის ქვევრის ღვინოების დაყენება ხდება, ასევე - იყალთოს ქვევრის სკოლა-აკადემია.
სტუმრებს ლექცია ჩაუტარა ბადაგონის ენოლოგმა სალომე სალაყაიამ, ღვინის მასტერ კლასი ჩაატარეს ბადაგონის მთავარმა მეღვინემ სანდრო ქუმსიაშვილმა და ბადაგონის იტალიელმა ენოლოგმა პაოლო ლავანიამ.
სტუდენტები ბადაგონის მხრიდან მოიხიბლნენ როგორც ღვინის დაყენების ქართული ტრადიციის უდიდესი პატივისცემითა და სრულყოფილად შენარჩუნებით და ასევე, თანამედროვე ტექნოლოგიებით აღჭურვილი უზადო ღვინის საწარმოთი.
ასევე დაუვიწყარი აღმოჩნდა მათთვის ოჯახური სითბოთი აღსავსე სტუმართმასპინძლობა რესტორანში "ბადაგონის სახლი" ალავერდთან.
0
0
