დიდი ბრიტანეთის მეფეს, ჩარლზ მესამეს მომავალ კვირას ოპერაციას გაუკეთებენ. ამის შესახებ BBC წერს.

გამოცემის ინფორმაციით, 75 მონარქს პროსტატის პრობლემები აქვს. ბუკინგემის სასახლეში აცხადებენ, რომ მეფის მდგომარეობა დამაკმაყოფილებელია, მაგრამ მას „მაკორექტირებელ პროცედურას“ ჩაუტარებენ.

რამდენიმე საათით ადრე კი კენსინგტონის სასახლემ გაავრცელა ინფორმაცია იმის შესახებ, რომ უელსის პრინცესა კეთრინს მუცლის არეში ოპერაცია გაუკეთეს. ქირურგიული ჩარევა გეგმური იყო და წარმატებით ჩაიარა.

42 წლის პრინცესის წარმომადგენლებმა აღნიშნეს, რომ ის კლინიკაში 2 კვირით დარჩება, გაწერის შემდეგ კი 2-3 თვის განმავლობაში უინძორში დარჩება და ოფიციალურ ღონისძიებაში მონაწილეობას არ მიიღებს.