ჯეიმს ვების კოსმოსური ტელესკოპით ჩატარებული დაკვირვებების შედეგად, მეცნიერებმა  ყველაზე შორეული გალაქტიკა აღმოაჩინეს და ამით წინა რეკორდი მოხსნეს. მათი მტკიცებით, ვარსკვლავების კოლექცია „JADES-GS-z14-0“ დიდი აფეთქებიდან 290 მილიონი წლის შემდეგ გაჩნდა. 

„თუ სამყარო 13,8 მილიარდი წლისაა, ეს ნიშნავს, რომ ჩვენ ვაკვირდებით გალაქტიკას, როდესაც კოსმოსი ამჟამინდელი ასაკის მხოლოდ 2%-ს აღწევდა. უახლესი დაკვირვების ყველაზე საინტერესო ასპექტი არის არა დიდი მანძილი, არამედ JADES-GS-z14-0-ის ზომა და სიკაშკაშე. ვარსკვლავების ამდენი შუქი გულისხმობს, რომ გალაქტიკა რამდენიმე ასეულ მილიონჯერ აღემატება მზის მასას! ეს აჩენს კითხვას: როგორ შეუძლია ბუნებას ასეთი კაშკაშა და მასიური გალაქტიკის შექმნა 300 მილიონ წელზე ნაკლებ დროში? JADES-GS-z14-0-ში ვებმა ჟანგბადის მნიშვნელოვანი რაოდენობის დანახვა შეძლო, რაც ნიშნავს, რომ გალაქტიკა უკვე საკმაოდ მომწიფებულია. ჟანგბადის არსებობა ამ გალაქტიკაში ასე ადრეულ პერიოდში გასაკვირია და მიუთითებს, რომ ძალიან მასიური ვარსკვლავების მრავალი თაობა აქ უკვე გაჩენილი იყო მანამ, სანამ ჩვენ გალაქტიკას დავაკვირდებოდით," - თქვა არიზონას უნივერსიტეტის მკვლევარმა კევინ ჰეინლაინმა.