ექსპრეზიდენტი მიხეილ სსააკაშვილი წერს:

"მე ვარ ამაყი ქართველი და უკრაინის ამაყი მოქალაქე. უკრაინამ გაუხსნა საქართველოს გზა ევროპაში, მაგრამ ქართველი ხალხი არის მთავარი სუბიექტი, რომელიც აახლოებს ევროკავშირში ჩვენი გაწევრიანების დღეს.

ევროპამ შემოაბიჯა კავკასიაში და ჩვენ უზრუნველვყოფთ, რომ საქართველოში ერთხელ აფრიალებული ევროპის დროშა აღარასდროს დაეშვება. მე ის პირველად ავაფრიალე 2004-ში. 2008-ში რუსეთმა სცადა დაშვება და არ გამოუვიდა.

ახლა უკვე თავად ევროკავშირმა აწია ჩვენს რეგიონში თავისი დროშა და ამას ვეღარაფერი შეცვლის." - წერს სააკაშვილი.

საქართველოს ექსპრეზიდენტმა, მიხეილ სააკაშვილმა Facebook-ის პირად გვერდზე პოსტი გამოაქვეყნა. 14 დეკემბერს, ევროპული საბჭოს პრეზიდენტმა, შარლ მიშელმა დაწერა, რომ საქართველოს კანდიდატის სტატუსი მიენიჭა.