ზელენსკი ამბობს, რომ ის არ არის უკრაინის სიმბოლო.

„ეს ძალიან სერიოზულია... მე არ ვარ ფილმში... მე არ ვარ სიმბოლო, უკრაინაა სიმბოლო... უკრაინა ევროპის გულია და ახლა, ვფიქრობ, რომ ევროპა ხედავს, რომ უკრაინა არის რაღაც განსაკუთრებული ამ მსოფლიოსთვის. ამიტომაც მსოფლიო ვერ დაკარგავს ამ რაღაც განსაკუთრებულს“, - განაცხადა ზელენსკიმ.

უკრაინის პრეზიდენტი აღნიშნავს, რომ ის არის რუსული ძალების ნომერ პირველი სამიზნე, მაგრამ მან გადაწყვიტა დარჩენა ქვეყნის დედაქალაქში.

ზელენსკის თქმით, ახლა კიევის დაცვა არის მათი მთავარი პრიორიტეტი.

„ჩვენ ვიბრძვით მხოლოდ ჩვენი მიწისა და ჩვენი თავისუფლებისთვის“, - აცხადებს ზელენსკი. 

ზელენსკი აშშ-ის პრეზიდენტს, ჯო ბაიდენს მოუწოდებს, გააკეთოს მკაცრი და სასარგებლო გზავნილი რუსეთის მიერ უკრაინაში შეჭრის შესახებ.