მდინარე იორში არასრულწლოვანი დაიხრჩო. უბედური შემთხვევა “სფეისნიუსს” დაუდასტურა საგარეჯოში,  სოფელ ხაშმის რწმუნებულმა ზურაბ ყირმელაშვილმა. მისი ინფორმაციით, გარდაცვლილი 13 წლის მოზარდია.

შემთხვევა სოფელ ხაშმის ტერიტორიაზე, ცოტა ხნის წინ მოხდა. 

ინფორმაციას საგანგებო სიტუაციების სამსახურშიც ადასტურებენ.

საგანგებოში შესული შეტყობინებით, მოზარდი მდინარეში ჩავარდა. ის წყლიდან თვითმხილველებმა ამოიყვანეს და პირველადი სამედიცინო დახმარება ადგილზე გაუწიეს, თუმცა გადარჩენა ვერ მოხერხდა. 

სამაშველო სამსახურს არასრულწლოვანი უკვე დაღუპული დახვდა.