თურქეთში, ქალაქ ანტალიაში მიმდინარე გრანდ სლემზე ძიუდოში ბოლო საშეჯიბრო დღეს ხუთი ქართველი გამოვიდა, რომელთაგანაც ფინალურ ბლოკში მხოლოდ მძიმეწონოსან ლევან მატიაშვილს ვიხილავთ.

მატიაშვილი ფინალში გასასვლელად ნიდერლანდელ სნიპს დაუპირისპირდა და შეხვედრის ბოლო წამზე იპონით დამარცხდა. ქართველი ძიუდოისტი ანტალიის გრანდ სლემზე ფინალურ ბლოკში ბრინჯაოს მედლისთვის იჭიდავებს.

ტურნირზე დღეს გამომსვლელი ოთხი ძოიდოისტი – ავთანდილ ჭრიკიშვილი, ნიკა ხარაზიშვილი (ორივე 90 კგ), ომარ საური (100 კგ) და სოფიო სომხიშვილი (+78 კგ) ადრეულ ეტაპზე გამოეთიშნენ შეჯიბრებას. 

შეგახსენებთ, რომ ანტალიაში ორი დღის შემდეგ საქართველოს ნაკრები ჯერჯერობით უმედლოდაა.

ფინალური ბლოკი თბილისის დროით 18:00 საათზე დაიწყება.