ვილი სანიოლმა უკრაინასთან ერთა ლიგის მატჩამდე „ბათუმი არენაზე“ პრესკონფერენცია გამართა და მოახლოებულ დაპირისპირებაზე, გუნდში არსებულ ვითარებასა და იმედებზე ისაუბრა.

„უკრაინა ძალიან ძლიერი გუნდი რომ არის, ეს ბოლო მატჩშიც ვიხილეთ. მთავარია, ის გამოვასწოროთ, რაც ოქტომბრის შეხვედრის შემდეგ გვმართებს, მოედანზე მეტი აგრესიულობა უნდა ვაჩვენოთ.

საქართველოს ნაკრებში ბოლო წლების განმავლობაში ბევრი რამ შეიცვალა. წინ ახალი პროექტი გველის. ჩვენი გუნდი ახალგაზრდა და გამოცდილი ფეხბურთელლების ნაზავია და თაობათა ცვლა სამომავლოდ აუცლებლად იქნება.

"მათემატიკაში ძლიერი არ ვარ, მაგრამ ვიცი რომ ჯგუფში პირველ ადგილზე გასასვლელად ორივე მატჩის მოგება გვჭირდება. ჩვენი მთავარი მიზანი ჯგუფში პირველი ადგილის დაკავება არ არის, საუკეთესო თამაშზე ვართ კონცენტრირებულები და მჯერა, რომ ბოლოს იმას იღებ, რასაც იმსახურებ“, – განაცხადა ვილი სანიოლმა.

ერთა ლიგის გადამწყვეტ ეტაპზე საქართველოს ნაკრების და უკრაინის შეხვედრა „ბათუმი არენაზე“ 16 ნოემბერს, 21:00 საათზე დაიწყება. მატჩის ტელერეპორტაჟს საქართველოს პირველი არხი შემოგთავაზებთ, ხოლო რადიორეპორტაჟს – საქართველოს რადიო.