საქართველოს ეროვნული საფეხბურთო ნაკრები 12 სექტემბერს, ევრო 2024-ის საკვალიფიკაციო ეტაპის მეხუთე მატჩს ოსლოში გამართავს. ჩვენი გუნდის მეტოქე ნორვეგიის ნაკრები იქნება.

მიმდინარე შესარჩევში საქართველოს ნაკრებს 4 მატჩი აქვს ჩატარებული, საიდანაც 1 მოიგო, 2 წააგო, 1 კი ფრედ დაასრულა. 4-4 ქულით ნორვეგია და საქართველო მესამე-მეოთხე ადგილებს იყოფენ. ჯგუფის სათავეშია შოტლანდია, რომელსაც 5-ვე ჩატარებული მატჩი აქვს მოგებული. მეორე ადგილზეა ესპანეთი, რომელსაც 3 მატჩში 6 ქულა აქვს. სატურნირო ცხრილის ბოლო ადგილზე 0 ქულით კვიპროსის ეროვნული ნაკრებებია.

ნორვეგიის და საქართველოს ეროვნული ნაკრებების შეხვედრა 12 სექტემბერს, თბილისის დროით 22:45 საათზე დაიწყება.