მატჩის დღეა - "ნაპოლი" "მარადონაზე" ჩემპიონის რანგში პირველად ითამაშებს.

თბილისის დროით, 20:00 საათზე, “ნაპოლი” "ფიორენტინას" უმასპინძლებს.

"ფიორენტინა" კონფერენს ლიგის ნახევარფინალშია გასული ("ბაზელს" დაუპირისპირდება). 

ქვეყნის თასის ფინალში ეს გუნდი "ინტერს" შეხვდება, ჩემპიონატში კი გვიან გამოფხიზლდა, მე-8 ადგილს იკავებს, "ატალანტასა" და "რომას" მთელი 12 ქულით ჩამორჩება, თუმცა ევროპა ლიგაზე გასვლის შანსს ორი ტურნირიდან ინარჩუნებს.

როგორც ცნობილია, 33 ტურის შემდეგ „ნაპოლიმ“ 80 ქულა დააგროვა და მეორეადგილოსან „ლაციოსთვის“ (64) მიუწვდომელი გახდა. “ნაპოლიმ” სწორედ ამ ტურში ოფიციალურად მოიპოვა იტალიის ჩემპიონის ტიტული.