სტიქიის ზონაში ტყუპი დების დაღუპვა დადასტურდა.

დღის პირველ ნახევარში ვრცელდებოდა ინფორმაცია, რომ გოგონების დედა იტალიაში იმყოფება. ტრაგედიის ღამეს სახლში დები, მათი უფროსი ძმა და მამა იმყოფებოდნენ. სამწუხაროდ, ოჯახის ოთხივე წევრი სტიქიამ წუხელ შეიწირა…

ბოლო მონაცემებით, ბაღდათის სოფელ ნერგეეთში, სტიქიის ზონაში მაშველების მიერ ამ დროისთვის რვა ცხედარია ნაპოვნი.

ადგილზე მიმდინარეობს ერთი პირის სამძებრო სამუშაოები, მობილიზებულია მძიმე ტექნიკაც.

ბაღდათის სოფელ ნერგეეთში მეწყერი გვიან ღამით ჩამოწვა და ოთხი სახლი მოიყოლა. მაშველებმა ერთ-ერთი სახლის ნანგრევებიდან ერთი ადამიანი ამოიყვანეს, რომელიც კლინიკაშია გადაყვანილი.