"ვივამედის" სამედიცინო დირექტორის, ზურაბ ჩხაიძის განცხადებით, მიხეილ სააკაშვილი აღარ საჭიროებდა სტაციონარულ მკურნალობას.

ზურაბ ჩხაიძის თქმით, პატიმარი პაციენტი ინფორმირებული იყო პირადი ექიმისგან რომ მისი სამედიცინო დაწესებულებიდან გაწერა იგეგმებოდა.

"რა თქმა უნდა, პაციენტი სრულად იყო ინფორმირებული მისი ჯანმრთელობის მდგომარეობის შესახებ. მას ესაუბრა მკურნალი ექიმი, მისცა ინფორმაცია იმის შესახებ, რომ უნდა გაწერილიყო.

ჩვენ გავაგზავნეთ არაერთხელ მასალა ლაბორატორიული კვლევებისთვის, გამოვიკვლიეთ ჩვენს ლაბორატორიაში, ასევე, ევროპის წამყვანი ქვეყნების ლაბორატორიებში, საიდანაც მოწამვლის შესახებ ინფორმაცია არ ყოფილა, არ დადასტურდა," - აღნიშნა ზურაბ ჩხაიძემ.