მართლმადიდებელი ეკლესია დღეს ხარების დღესასწაულს ზეიმობს. წირვა ყველა მოქმედ ტაძარში ჩატარდება.

დღესასწაულთან დაკავშირებით, 10:00 საათზე, საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) სიონის საპატრიარქო ტაძარში აღასრულებს წირვას, რის შემდეგაც შესრულდება სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის სულის მოსახსენებელი პანაშვიდი.

ხარება ერთ-ერთია 12 საუფლო დღესასწაულს შორის. ლუკას სახარების მიხედვით, ეს არის დღე, როდესაც გალილეის ქალაქ ნაზარეთში მთავარანგელოზი გაბრიელი, ღვთის ნებით, ღვთისმშობელ მარიამს გამოეცხადა და ახარა, რომ მისგან იშვებოდა ძე ღვთისა.

ხარება მიჩნეულია კაცობრიობის ხსნის დასაბამად. დღევანდელი დღე მორწმუნეთათვის თევზით ხსნილია.