საფრანგეთის ხელისუფლება საპროტესტო აქციების დროს მარსელში 27 წლის მამაკაცის სიკვდილში პოლიციის შესაძლო ჩართულობას იძიებს.

"მამაკაცი გარდაიცვალა გულის გაჩერებით მას შემდეგ, რაც მან იგრძნო "ძლიერი შოკი მკერდში", რომელიც, სავარაუდოდ, გამოწვეული იყო პოლიციის მიერ გამოყენებული ჭურვით."- თქვა მარსელის პროკურორმა, დომინიკ ლორენსმა.

პროკურატურის ინფორმაციით, უცნობია, მონაწილეობდა თუ არა გარდაცვლილი არეულობაში. ის საპროტესტო აქციების ტერიტორიაზე სკუტერს მართავდა.

გარდაცვლილის მეუღლემ თქვა, რომ ის მხოლოდ იღებდა იმას, რაც გარშემო ხდებოდა  და არ მონაწილეობდა არეულობაში. "მე მჭირდება განმარტება."- თქვა მან.