კატარში მიმდინარე მუნდიალზე სენსაციები გრძელდება.

მაროკო პირველი აფრიკული გუნდია, რომელიც ნახევარფინალში ითამაშებს. მან ცოტა ხნის წინ პორტუგალია დაამარცხა. 

აღსანიშნავია, რომ პორტუგალიის ნაკრების მწვრთნელმა მოედანზე რონალდოც გამოიყვანა, ლეაოც და პორტუგალიელთა შეტევები კიდევ უფრო მწვავე გახდა. ეს იყო კრიშტიანო რონალდოს 196-ე მატჩი პორტუგალიის ნაკრებში. თუმცა მატჩის ბედის საბოლოო გარდატეხა ვერ მოხერხდა.

აფრიკელებმა კიდევ ერთხელ დაამტკიცეს, რომ მაღალი დონის ორგანიზებული გუნდი ჰყავთ და მეოთხედფინალში შემთხვევით არ მოხვედრილან. 

მაროკოს მეტოქე დღესვე გაირკვევა. ნახევარფინალის საგზურისთვის ერთმანეთს საფრანგეთი და ინგლისი დაუპირისპირდება.