ქვემო ქართლში სასტიკი დანაშაული მოხდა, მოკლულია შუახნის ტაქსის მძღოლი.

გავრცელებული ინფორმაციით, მძღოლი თბილისიდან გაიტაცეს, ქვემო ქართლში იძულებით ჩაიყვანეს, მოკლეს და ცხედარი მინდორში დამარხეს.

დაკავებულია 2 პირი, რომელთა შორის ერთ-ერთი არასრულწლოვანია.

დანაშაულის ჩადენის მოტივი ჯერჯერობით უცნობია.

მომხდარზე გამოძიება სსკ-ის 109-ე მუხლით მიმდინარეობს, რაც დამამძიმებელ გარემოებაში განზრახ მკვლელობას გულისხმობს და სასჯელის სახით 16-იდან 20 წლამდე ან უვადო თავისუფლების აღკვეთას ითვალისწინებს.