„მარიუპოლსა და უკრაინის სამხრეთ ტერიტორიაზე 10 000-ზე მეტი ახალი საფლავი აღმოაჩინეს. საფლავების უმეტესობა „სტარი კრიმის“ სასაფლაოზე მდებარეობს,“ - წერს Associated Press-ი.

Associated Press-ის ჟურნალისტებმა გამოძიება დრონების გამოყენებით ჩაატარეს და გადაიღეს ვიდეოკადრები, სადაც ჩანს რუსები მძიმე ტექნიკით როგორ ამზადებდნენ თხრილებს, რომლებიც შემდეგ ივსებოდა.

გამოცემის ინფორმაციით, თითოეულ საფლავში შეიძლება რამდენიმე ცხედარი იყოს, ქალაქში დაღუპულთა რიცხვი კი შეიძლება 25,000-ს აღემატებოდეს - იმ რაოდენობას, რომელსაც მარიუპოლის ოფიციალური პირები პროგნოზირებდნენ. 
Associated Press-ი ასევე აღნიშნავს, რომ ოკუპანტები ქალაქში დაახლოებით 50,000 სახლის დანგრევას გეგმავენ.