ვიცე-პრემიერმა ალექსანდრე კუბრაკოვმა მარცვლეულის ინიციატივის 120 დღით გახანგრძლივება გამოაცხადა.

ამის შესახებ მან Twitter-ზე დაწერა.

უკრაინული მედიის ცნობით, კუბრაკოვმა მადლობა გადაუხადა გაეროს გენერალურ მდივანს ანტონიო გუტერეშს, პრეზიდენტ ერდოღანს, მინისტრ ჰულუსი აკარს და ყველა პარტნიორს, შეთანხმების კიდევ 4 თვით გახანგრძლივებისთვის.

მან დასძინა, რომ უკრაინის პარტნიორების ერთობლივი ძალისხმევით მსოფლიო ბაზრებზე 25 მილიონი ტონა უკრაინული მარცვლეული იქნება მიტანილი.

ცოტა ხნით ადრე კი რუსულმა მხარემ განაცხადა, რომ "არანაირი წინააღმდეგობა" არ არის მარცვლეულის ინიციატივის გახანგრძლივებაზე, თუმვა “მხოლოდ 60 დღით”.