როგორც აშშ-ის პრეზიდენტმა დონალდ ტრამპმა განაცხადა, აშშ ფედერალური გამოძიების ბიურო (FBI) ჩარლი კირკის მკვლელის ადგილსამყოფელის დადგენის საქმეში მნიშვნელოვან პროგრესს აღწევს. 

„მე მაქვს გარკვეული ინფორმაცია სასიკვდილო გასროლის მოტივის შესახებ, მაგრამ დეტალების დაზუსტებისგან თავს შევიკავებ. ის ნამდვილი ცხოველია, ცხოველი, იმედია, იპოვნიან და დაიჭერენ,“ - განუცხდა ტრამპმა ჟურნალისტებს. 

ჟურნალისტის შეკითხვაზე, ღელავს თუ არა საკუთარი უსაფრთხოების გამო, ტრამპმა უპასუხა: 

„არა, სინამდვილეში მე ჩვენი ქვეყნის გამო ვღელავ. ჩვენ გვყავს რადიკალურად მემარცხენე შეშლილების ჯგუფი და ჩვენ ამ პრობლემას მოვაგვარებთ. ვესაუბრე ჩარლი კირკის მეუღლეს - ის სულიერად აბსოლუტურად განადგურებულია.“