უკრაინაში მებრძოლი ქართული ლეგიონის მეთაური, მამუკა მამულაშვილი, ადასტურებს გავრცელებულ ინფორმაციას, რომ რუსეთის მიერ ტყვედ აყვანილია ორი ქართველი.

მისი განცხადებით, ისინი ლეგიონის შემადგენლობაში არ შედიოდნენ. მისი თქმით, „საქართველოს ხელისუფლების პოზიციიდან გამომდინარე“, ის არ ელის „მისგან დიპლომატიურ ნაბიჯებს“.

გავრცელებული ინფორმაციით, რუსეთის მიერ დატყვევებული ქართველების ოჯახებმა დახმარებისთვის საგარეო საქმეთა სამინისტროს უკვე მიმართეს.

თბილისში ჯერჯერობით ოფიციალური კომენტარი აღნიშნულთან დაკავშირებით არ გაკეთებულა. 

შეგახსენებთ, რომ რუსეთის მიერ ტყვედ აყვანილია ორი ქართველი მებრძოლი - გიორგი გოგლიძე და გიორგი შუბითიძე.