ფილმის „მარტო სახლში“ გმირი მაკოლეი კალკინი მამასთან, მსახიობ კრისტოფერ კალკინთან რთულ ურთიერთობებზე ალაპარაკდა და აღნიშნა, რომ ის მას 30 წელია, რაც არ ელაპარაკება. ინფორმაციას People-ი ავრცელებს.
„30 წელზე მეტია მასთან ურთიერთობა არ მაქვს. ის ამას იმსახურებს. მას 7 შვილი ჰყავს, ახლა უკვე 4 შვილიშვილიც და არცერთ მათგანს მასთან ურთიერთობა არ სურს“, - განაცხადა ერთ-ერთ ინტერვიუში კალკინმა.
მაკოლეი კალკინის თქმით, მამამ შვილებთან ურთიერთობაზე უარი მათ დედასთან განქორწინების შემდეგ თქვა. მსახიობმა მამას „ცუდი ადამიანი“ და „თავის თავზე შეყვარებული არანორმალური ადამიანი“ უწოდა. მსახიობის თქმით, მამა მასზე ფიზიკურად და ფსიქოლოგიურად ძალადობდა.
მისი თქმით, კრისტოფერ კალკინი ახლა კარჩაკეტილ ცხოვრებას ეწევა. 2016 წელს მან განაცხადა, რომ მაკოლეის თავის ვაჟად აღარ თვლის.
„რამდენადაც ვიცი, ის ცოცხალია. ჩემს უფროს ძმას რაღაც მომენტში ჰქონდა მასთან ურთიერთობა, რომელიც ძალიან მალე დასრულდა“, - აღნიშნა კალკინმა.
0
0
