„ვალენსიამ“ ჯენარო გატუზო მთავარი მწვრთნელის პოსტიდან გაათავისუფლა, – ამის შესახებ ესპანურმა კლუბმა ოფიციალურად დაადასტურა.

იტალიელი სპეციალისტი „ღამურების“ მთავარ მწვრთნელად 2022 წლის ზაფხულში დაინიშნა და მას შემდეგ 22 მატჩი ჩაატარა. გატუზოს გუნდმა 7 შეხვედრა მოიგო, 5 ფრედ დაასრულა, 10-ში კი დამარცხდა.

ჯერჯერობით, უცნობია ვინ დაინიშნება გიორგი მამარდაშვილის გუნდის მთავარ მწვრთნელად, მაგრამ დროებით კლუბს ვორო (სალვადორ გონსალეს მარკო) უხელმძღვანელებს.

“ვალენსია” “ლა ლიგის” 19 ტურის შემდეგ, მე-14 ადგილზეა და გასავარდნ ზონამდე 1 ქულა აშორებს.