გიორგი მამარდაშვილის „ვალენსია“ „რეალ სოსიედადს“ ესტუმრა და დიდი ანგარიშით დამარცხდა – 3:0.

საქართველოს ნაკრების მეკარე „ვალენსიას“ ძირითად შემადგენლობაში იყო და დაბალი შეფასება მიიღო – 5.9 ქულა. თამაში მასპინძლებმა კარგად დაიწყეს, მე-8 წუთზე ტაკეფუსა კუბოს გოლით დაწინაურდნენ და შესვენებამდე მინიმალური უპირატესობა მოიპოვეს.

მეორე ნახევარში „ვალენსია“ ბასკურ გუნდს დიდი ხანი წინააღმდეგობას უწევდა, მაგრამ შეხვედრის ბოლოს კიდევ ორი გოლი გაუშვა – ორივე ოსკარსონის ანგარიშზეა, რომელმაც დუბლი (80, 90+2) შეასრულა.

8 ტურის შემდეგ „ვალენსიამ“ მხოლოდ 5 ქულა დააგროვა და ლა ლიგის სატურნირო ცხრილში მე-18 ადგილზე დაქვეითდა.