გაუფრთხილებლობით მკვლელობაში ბრალდებული მთამსვლელი, რომელმაც 33 წლის შეყვარებული ავსტრიის უმაღლეს მწვერვალზე დატოვა, დამნაშავედ ცნეს. ახალგაზრდა ქალი გასულ წელს, "გროსგლოკნერის" მწვერვალზე ასვლისას, ჰიპოთერმიით გარდაიცვალა.

BBC-ის ცნობით, მამაკაცს, რომელიც, ავსტრიის კონფიდენციალურობის კანონმდებლობის შესაბამისად, მხოლოდ თომას პ.-ს სახელით არის ცნობილი, ხუთთვიანი პირობითი მსჯავრი და 9 600 ევროს ოდენობის ჯარიმა მიესაჯა.

BBC-სთვის გაგზავნილ განცხადებაში სასამართლომ განმარტა, რომ თომას პ.-ს უმწიკვლო რეპუტაცია და საყვარელი ადამიანის დაკარგვა "შემამსუბუქებელ გარემოებებად" მიიჩნია.

ცნობისთვის, სასამართლო პროცესი 33 წლის ქალის გაყინვიდან ერთ წელზე მეტი ხსნის შემდეგ დაიწყო.