ემანუელ მაკრონის მიმართ უნდობლობა კიდევ უფრო იზრდება. მიუხედავად იმისა, რომ მისი  პრემიერ-მინისტრის პოპულარობა სტაბილური რჩება, პრეზიდენტი მაინც ყველაზე დაბალ ნიშნულზეა, - წერს ფრანგული მედია Ipsos BVA-CESI ბარომეტრის მონაცემებზე დაყრდნობით.

"სებასტიან ლეკორნუმ (საფრანგეთის პრემიერ-მინისტრი, 2025 წლის სექტემბრიდან), რომელმაც ცოტა ხნის წინ დააანონსა ახალი საბიუჯეტო ზომები სოციალისტებთან უცენზურო კრიტიკაზე შეთანხმების მისაღწევად, დადებითი შეფასებების 29% მიიღო, ხოლო უარყოფითი შეფასებების წილი 58%-ს შეადგენს. მისი შეფასება ოდნავ გაუარესდა ცენტრისტულ-მემარჯვენე ბლოკში, მაგრამ გაუმჯობესდა მწვანეთა პარტიის მხარდამჭერებში (+10), სოციალისტების მხარდამჭერებში (+15) და რესპუბლიკელებს შორის (+9).

მაკრონის მოწონების რეიტინგი მისსავე პარტიაში მკვეთრად ეცემა. გამოკითხვაში ემანუელ მაკრონის არაპოპულარობა რეკორდულ მაჩვენებელს აღწევს, მას დადებითად მხოლოდ 18% აფასებს, ხოლო უარყოფითად 79%, რაც, დეკემბერთან შედარებით, ორი პუნქტით გაუარესებას ასახავს.

2027 წლის საპრეზიდენტო არჩევნებისთვის "ეროვნული ერთობის" პრეზიდენტი ჯორდან ბარდელა რჩება ყველაზე პოპულარულ ფიგურად 35%-იანი დადებითი შეფასებით (+2), შემდეგ მოდის მარინ ლე პენი 33%-ით (+3)", - აღნიშნულია სტატიაში.