უზბეკეთში UNESCO-ს გენერალური, რიგით 43-ე კონფერენციის მონაწილეებს საქართველოს საგარეო საქმეთა მინისტრი სიტყვით დღეს მიმართავს. დღესვე, მაკა ბოჭორიშვილი ოფიციალურად გახსნის ქართულ კუთხეს. დაგეგმილია ქართული კულტურის პოპულარიზაციაზე გათვლილი სხვა ღონისძიებებიც.

ქვეყნის პირველი დიპლომატი, ვიზიტის ფარგლებში, შეხვედრებს გამართავს სხვადასხვა ქვეყნის საგარეო საქმეთა მინისტრებთან.

შეგახსენებთ, UNESCO-ს გენერალური კონფერენცია გუშინ გაიხსნა, რომელშიც მონაწილეობას იღებს გაეროს განათლების, მეცნიერებისა და კულტურის ორგანიზაციის 200-მდე წევრი სახელმწიფოსა და 12 ასოცირებული ქვეყნის 3 000-მდე დელეგატი.