ესპანეთის დედაქალაქ მადრიდში, უკრაინის საელჩოსთან აფეთქება მოხდა. 

reuters-ის ცნობით, დაშავდა საელჩოს ერთი თანამშრომელი, რომელსაც ხელში წერილი ეჭირა. დაშავებული კლინიკაში გადაიყვანეს.

„წერილი, რომელიც ჩვეულებრივი ფოსტით ჩამოვიდა და არ იყო დასკანირებული, გახსნისას აფეთქდა და თანამშრომელს მცირე ჭრილობა მიაყენა მარჯვენა ხელზე“, - აცხადებს  ესპანეთის მთავრობის წარმომადგენელი მერსედეს გონსალესი.

ამასთან, უკრაინის საგარეო საქმეთა მინისტრმა დმიტრო კულებამ საზღვარგარეთ უკრაინის ყველა საელჩოს  დაუყოვნებლივ უსაფრთხოების გაძლიერების ბრძანება გასცა.

მინისტრმა ასევე მოუწოდა ესპანელ კოლეგებს „გადაუდებელი ზომები მიიღონ თავდასხმის გამოსაძიებლად“.