საპარლამენტო უმრავლესობის ლიდერი, „ქართული ოცნების“ თავმჯდომარე ირაკლი კობახიძე FARA-ს მიერ გამოქვეყნებულ ახალ დოკუმენტებს გამოეხმაურა.

„რაც შეეხება FARA-ს დოკუმენტებს, ეს არის სრული კატასტროფა. პირდაპირ გამომჟღავნდა, რომ „ნაცმოძრაობის“ წარმომადგენლები ფულს იხდიან ქვეყნის დასანქცირებაში. ეს კიდევ ერთხელ აჩვენებს იმას, რომ „ნაცმოძრაობა“ არის როგორც ომის პარტია, ასევე ღალატის პარტია. პირდაპირ მოღალატეები არიან და აგენტები არიან. სხვანაირად უბრალოდ წარმოუდგენელია. თქვენ იცით, რომ ამერიკაში მოქმედებს რუსული კანონი, FARA-ს კანონი და მადლობა ამ კანონს იმისათვის, რომ მან გააშიშვლა „ნაცმოძრაობის“ სახე კიდევ ერთხელ. კიდევ ერთხელ მადლობა მინდა გადავუხადო ამერიკელებს“, - განაცხადა კობახიძემ.