ბელარუსის თვითგამოცხადებული პრეზიდენტის ალექსანდრ ლუკაშენკოსა და ე.წ. დონეცკის სახალხო რესპუბლიკის „ლიდერის“ დენის პუშილინის შეხვედრის შემდეგ, უკრაინის საგარეო საქმეთა სამინისტრომ მინსკიდან უკრაინის ელჩის იგორ ქიზიმის გამოძახება გადაწყვიტა. ინფორმაციას უკრაინული მედია ავრცელებს.

„რუსეთის საოკუპაციო ადმინისტრაციის წარმომადგენელთან შეხვედრას ბელარუსის რესპუბლიკის კიდევ ერთ და აშკარა არამეგობრულ ქმედებად მივიჩნევთ“, - ნათქვამია განცხადებაში.

ამასთან, კიევმა დაგმო შეხვედრა და ბელარუსის ხელისუფლებას მოუწოდა, თავი შეიკავოს ასეთი დესტრუქციული ნაბიჯების გადადგმისკენ.

ინფორმაციისთვის, ლუკშენკოსა და პუშილინის შეხვედრა 18 აპრილს გაიმართა.