ლუკაშენკო ჩერნობილის ატომურ ელექტროსადგურში „სპეციალისტებს“ აგზავნის

10/03/2022

17:20

A-

ბელორუსიის პრეზიდენტმა ალექსანდრე ლუკაშენკომ განაცხადა, რომ ჩერნობილის ატომურ ელექტროსადგურში, რომელიც რუსმა ოკუპანტებმა დაიკავეს, „სპეციალისტებს“ აგზავნის.

ბელორუსიის მიზანი ჩერნობილზე ელექტროენერგიის მიწოდების აღდგენა იქნება.

„ენერგეტიკის მინისტრს დაევალა ამ სამუშაოების ორგანიზება, რათა სასწრაფოდ აღდგეს ჩერნობილზე ელექტროენერგიის მიწოდება. ჩვენ გვაქვს საბჭოთა დროინდელი ელექტროგადამცემი ხაზი, ის დაზიანებულია. ჩერნობილის სადგურის უსაფრთხოება მნიშვნელოვანია“, - განაცხადა ლუკაშენკომ.

შეგახსენებთ, რუსმა ოკუპანტებმა ჩერნობილის ატომური ელექტროსადგური 24 თებერვალს დაიკავეს.

მოგვიანებით ატომური ენერგიის საერთაშორისო სააგენტომ ჩერნობილის ატომური ელექტროსადგურის უსაფრთხოების კონტროლის სისტემებიდან დისტანციური კავშირი დაკარგა.

გარდა ამისა, ატომურ ელექტროსადგურში დასაქმებული დაახლოებით 210 პირი რუსების ტყვეობაში რჩება.

649