უნგრეთის დედაქალაქ ბუდაპეშტში მიმდინარე ძიუდოს მსოფლიო ჩემპიონატზე ლუკა მაისურაძე (90 კგ) ნახევარფინალში იჭიდავებს – 2023 წლის მსოფლიო ჩემპიონმა მეოთხედფინალში ესტონელი კლენ კრისტოფერ კალიულაიდე ვაზარით დაამარცხა და ნახევარფინალში იაპონელ სანშირო მურაოს დაუპირისპირდება.

ტურნირზე წინასწარი ორთაბრძოლები თბილისის დროით 13:00 საათზე დაიწყო, ფინალური ბლოკის ჩატარება კი 20:00 საათზეა დაგეგმილი.

შეგახსენებთ, რომ ძიუდოს მსოფლიო ჩემპიონატი 13 ივნისს დაიწყო. დღემდე საქართველოს ნაკრების ანგარიშზე ორი მედალია – ეთერ ლიპარტელიანმა (57 კგ) ოქროს მედალი მოიპოვა, ხოლო ტატო გრიგალაშვილი (81 კგ) ტურნირის ვიცე-ჩემპიონი გახდა.