აშშ-ის კალიფორნიის შტატში, ლოს-ანჯელესის პასიფიკ პალისეიდსის რაიონში ტყის ხანძრის გავრცელების გამო 30 000-ზე მეტი ადამიანის ევაკუაცია განხორციელდა. საგანგებო მდგომარეობა გამოცხადდა მთელ ქალაქში.

ლოს-ანჯელესის სახანძრო სამსახურის ხელმძღვანელის, კრისტინ კროულის განცხადებით, ხანძარი სამ ლოკაციაზე - 500 ჰექტრამდე ტერიტორიაზეა გავრცელებული. 

ადგილზე მობილიზებულია 250 მეხანძრე-მაშველი, ვერტმფრენებით, სახანძრო მანქანებით და სხვა საჭირო აღჭურვილობით.
ლოს ანჯელესის სახანძრო დეპარტამენტის ინფორმაციით, სავარაუდოდ, ძლიერი ქარი 96 კმ/სთ-ში სიჩქარით მთელი დღის განმავლობაში იქროლებს, რამაც შეიძლება ხანძრის კიდევ უფრო გავრცელება გამოიწვიოს.