NBC News-ის ინფორმაციით, ლოს-ანჯელესში, ჰოლივუდის ვარსკვლავ ბრედ პიტის სახლში გაძარცვეს. 

25 ივნისს, ღამით, ძარცვის დროს, მსახიობი სახლში არ იმყოფებოდა. ლოს-ანჯელესის პოლიციის დეპარტამენტი ქურდობის შესახებ გავრცელებულ ინფორმაციას იძიებს. პოლიციის დეპარტამენტის წარმომადგენელმა დაადასტურა, ლოს-ანჯელესში, ლოს-ფელიზის რაიონში მდებარე საცხოვრებელი სახლის გაძარცვის ფაქტი. სავარაუდოდ, ქურდებმა უცნობი რაოდენობის ქონება მოიპარეს, რომლის ღირებულებაც არ გახმაურებულა.

წყაროების ცნობით, პოლიცია სამ ეჭვმიტანილს ეძებდა, რომლებიც სახლის წინა ღობეზე გადაძვრნენ და წინა ფანჯრიდან შეიჭრნენ.

61 წლის ბრედ პიტი ლონდონში იმყოფებოდა თავისი ახალი ფილმის, F1: The Movie, ევროპულ პრემიერაზე დასასწრებად.