დიდი ბრიტანეთი აძლიერებს ბრძოლას მმართველი "ქართული ოცნების" ხელისუფლებიდან ჩამოსაშორებლად ოპოზიციის მხარდაჭერით, ეს პარტია ლონდონის დაუფარავ გაღიზიანებას იწვევს. ამის შესახებ ნათქვამია რუსეთის ფედერაციის საგარეო დაზვერვის სამსახურის პრეს-ბიუროს განცხადებაში, რომელიც რუსეთის სახელმწიფო საინფორმაციო სააგენტო TASS-მა მოიპოვა.
"ბრიტანელები აპირებენ, რომ ასეთი "კრეატივით დამუხტულ“ ორგანიზაციებს უბიძგონ ოპოზიციურ პარტიებთან გაერთიანებისკენ. ლონდონის გათვლებით, ამან უნდა „შეარყიოს“ სისტემური პოლიტიკური ოპოზიცია, მისცეს მას „მეორე სუნთქვა“ და მობილიზდეს იგი მმართველი „ქართული ოცნების“ ხელისუფლებიდან ჩამოსაშორებლად ბრძოლის ახალი რაუნდის დასაწყებად“, - განაცხადეს დაზვერვაში.
მათ აღნიშნეს, რომ ანგლო-საქსები ვერ შეეგუებიან იმას, რომ თბილისმა თავისი უდავო ვასალების წრე დატოვოს. „ქართული ოცნების მმართველობა მათში დაუფარავ გაღიზიანებას იწვევს“, - განაცხადეს სამსახურში.
დაზვერვის მიერ მიღებული ინფორმაციის თანახმად, დასავლეთი "გაღიზიანებულია საქართველოს სურვილით, გათავისუფლდეს ლიბერალურ-გლობალისტური ძალების მეურვეობისგან, რომელთა ღირებულებებიც უცხოა ქართველი ხალხისთვის“. „დასავლელებს განსაკუთრებით აღიზიანებს ის, რომ თბილისი - [საქართველოს ყოფილი პრეზიდენტის] მიხეილ სააკაშვილის დროს, ამიერკავკასიაში „დემოკრატიზაციის ლოკომოტივი“ - სულ უფრო მეტად მიმართულია „ავტორიტარული გზისკენ“, ეროვნულ ინტერესებს პირველ ადგილზე აყენებს. „ბრძოლას საქართველოსთვის“ ბრიტანელები ხელმძღვანელობენ. ლონდონი გეგმავს მნიშვნელოვნად გაზარდოს ოპოზიციური ქართული არასამთავრობო ორგანიზაციების დაფინანსების გაზრდას, რომლებსაც მიზნად უსახავს ანტისამთავრობო საქმიანობის რადიკალიზაციას“, - იტყობინება რუსეთის საგარეო დაზვერვა. აღნიშნულია, რომ ბრიტანეთის საგარეო საქმეთა სამინისტრომ საქართველოს სხვადასხვა რეგიონში შეარჩია დაახლოებით 100 ახალგაზრდული და სტუდენტური ასოციაცია, ფემინისტური მოძრაობები და ლგბტ თემის სტრუქტურები დივერსიული საქმიანობის განსახორციელებლად. „განსაკუთრებული მნიშვნელობა ენიჭება „აქტივისტების“ დივერსიული საქმიანობის მეთოდებში მომზადების ორგანიზებას. მომავალ მებრძოლებს ასწავლიან, თუ როგორ უნდა დაუპირისპირდნენ პოლიციას საპროტესტო აქციების დროს, გვერდი აუარონ ხელისუფლების „ციფრულ“ კონტროლს და მოამზადონ დივერსია“, - დასძინეს პრეს-ბიუროში.
"ლონდონს არ აინტერესებს ქართველი ხალხი, რომელმაც ცალსახად დაუჭირა მხარი ქვეყნის ხელმძღვანელობის ეროვნულად ორიენტირებულ კურსს გასული წლის საპარლამენტო არჩევნების დროს“, - აცხადებს საგარეო დაზვერვა.
0
0
