ლივერპულში კატამ პატრონი სიკვდილს გადაარჩინა. უცხოური მედიის ცნობით,  ერთ საღამოს 51 წლის ამანდა ჯამენსონმა გონება მოულოდნელად დაკარგა. იმ დროს მის გარდა სახლში მისი მეუღლეც იმყოფებოდა, თუმცა მამაკაცს ეძინა.

როგორც კი ფისო, სახელად ვიდოუ მიხვდა, რომ  პატრონი ცუდად იყო, მის დასახმარებლად  ყველა ღონეს მიმართა.  ოთხფეხა მეგობარმა სასწრაფოდ გააღვიძა

ამანდას ქმარი, რომელმაც მაშინვე სასწრაფო გამოიძახა. აღმოჩნდა, რომ ქალს, რომელიც წლებია დიაბეტითაა დაავადებული, გული სისხლში შაქრის მკვეთრად დაცემის გამო წაუვიდა.

ექიმების თქმით, რომ არა კატის სწრაფი რეაგირება ამანდა დღეს ცოცხალი არ იქნებოდა.