თბილისში, ლილოს ბაზრობაზე მომხდარი დაჭრის საქმეზე ერთი პირი დააკავეს. ამის შესახებ “ინტერპრესნიუსს“ შსს-ში განუცხადეს.

თბილისში, ლილოს ბაზრობაზე მამაკაცი დღეს დაჭრეს. არსებული ინფორმაციით, მამაკაცს დაზიანება ცეცხლსასროლი იარაღით მიაყენეს.

გამოძიება სისხლის სამართლის კოდექსის 19/108-ე მუხლით მიმდინარეობს, რაც განზრახ მკვლელობის მცდელობას გულისხმობს.

როგორც ცნობილია, ლილოში მომხდარი სისხლიანი ანგარიშსწორების შედეგად, როგორც ირკვევა, რომან ისაევზე თავდასხმა საკუთარ მაღაზიაში მოხდა. ახალგაზრდა კაცს, რომელსაც ტექსტილის მაღაზია აქვს, შეიარაღებული პირი ჯერ საქმის გასარჩევად ქუჩაში გასვლას აიძულებდა, უარის გამო კი ცეცხლი გაუხსნა.