ლიტვის საგარეო საქმეთა მინისტრმა გაბრიელიუს ლანდსბერგისმა ევროპის ყველა ქვეყანას რუსი ელჩების გაძევებისკენ მოუწოდა. რუსეთის ელჩების ევროპაში შენახვა, მინისტრის თქმით, ახლა პრაქტიკულად უაზრობაა. ამის შესახებ გამოცემა Verslo Zinios წერს.
”უმეტეს შემთხვევაში, ეს აღარ არის დიპლომატიური ინსტიტუტი, არამედ პროპაგანდისტული ინსტიტუტია, რომელიც ფარავს ომის დანაშაულებებს და ზოგადად, ხელს უწყობს გენოციდის დღის წესრიგს”, - განაცხადა ლანდსბერგისმა რიგაში ბალტიისპირეთის ქვეყნებისა და პოლონეთის საგარეო საქმეთა მინისტრებთან გამართულ პრესკონფერენციაზე.
მან აღნიშნა, რომ ლიეტუვამ გააძევა რუსეთის ელჩი გასულ აპრილში, ბუჩაში რუსეთის არმიის სავარაუდო ომის დანაშაულის საპასუხოდ. იანვარში რუსეთის ელჩები ესტონეთმა და ლატვიამ გააძევეს.
ამასთან, დიპლომატმა აღიარა, რომ რუსეთის ელჩების გაძევების საკითხზე განსხვავებული თვალსაზრისი არსებობს.
0
0
