ლიბანიდან განხორციელებული სარაკეტო იერიშის შედეგად ისრაელის ცენტრალურ რეგიონში, სულ მცირე, 19 ადამიანი დაშავდა.

დაშავებულები საავადმყოფოში არიან გადაყვანილი.

მედიის ცნობით, საჰაერო განგაშის ხმა ისმოდა ცენტრალური გალილეის რამდენიმე ქალაქსა და დაბაშიც.

ისრაელის პოლიციის ინფორმაციით, ლიბანმა ისრაელის მიმართულებით სამი რაკეტა გაუშვა.

ისრაელის მედია კი წერს, რომ ლიბანიდან ისრაელის მიმართულებით ღამით 15 რაკეტა ისროლეს, ზოგიერთი მათგანი ისრაელის თავდაცვის ძალებმა ჩამოაგდეს, ზოგი კი ღია ტერიტორიაზე ჩამოვარდა.

პარალელურად, ლიბანის ჯანდაცვის სამინისტრომ განაცხადა, ისრაელის იერიშების შედეგად ქვეყნის აღმოსავლეთ ნაწილში დაიღუპა 52 და დაშავდა 72 ადამიანი. მათივე განცხადებით, ისრაელს აღნიშნულ ტერიტორიაზე ევაკუაციის ბრძანება არ გაუცია.