“ნაციონალური მოძრაობის” თავმჯდომარემ, ლევან ხაბეიშვილმა, მორიგი აქცია 9 აპრილს, 17:00 საათზე დააანონსა.

როგორც ხაბეიშვილმა პარტიის ოფისში გამართულ ბრიფინგზე განაცხადა, შეკრება იქნება ზეპარტიული და მისი მოთხოვნა იქნება ევროკავშირის წინაშე აღებული 12 პუნქტის  შესრულება.

"მე გთავაზობთ, 9 აპრილს, 17:00 საათზე, შევიკრიბოთ რუსთაველზე. ამასობაში დრო მივცეთ რუსულ ოცნებას იმისთვის, რომ რეალურად დაიწყოს ევროკავშირის სტატუსის მიღებისთვის სამუშაოები, რაც გულისხმობს 12 რეკომენდაციის შესრულებას," - განაცხადა ხაბეიშვილმა.