01/05/2024
11:52
პოლიტიკა
ლევან ხაბეიშვილი პარლამენტში მივიდა, შესაბამისი ფოტო მედიაში უკვე გამოჩნდა
ფოტოზე ჩანს “ნაცმოძრაობის” ლიდერი ეტლით. ის პარლამენტში რამდენიმე თანაგუნდელს შეჰყავს.
ცნობისთვის, პარლამენტის პლენარულ სხდომაზე „უცხოური გავლენის გამჭვირვალობის შესახებ“ კანონპროექტის მეორე მოსმენით - მუხლობრივი განხილვა დღესაც გაგრძელდება.
30 აპრილის სხდომაზე პროექტის ფარგლებში სულ სამი მუხლის განხილვა მოესწრო.
“უცხოური გავლენის გამჭვირვალობის შესახებ“ კანონპროექტის განხილვით სესია 12:00 საათზე დაიწყება.
სწორედ 12:00 საათისთვის აპირებენ აქციის მონაწილეები კვლავ საკანონმდებლო ორგანოსთან მისვლას.
პარლამენტი უსაფრთხოების დამატებითი ზომების შესახებ განცხადებას ავრცელებს.
მასში აღნიშნულია, რომ იმოქმედებს უსაფრთხოების ყვითელი დონე - ვიზიტორებს ეზღუდებათ პარლამენტის სასახლეში შესვლა.
„დაგეგმილ საპარლამენტო ღონისძიებებზე (მათ შორის კომიტეტის სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები. შენობაში დაიშვებიან ტელემაუწყებლების/ტელემედია საშუალებების აკრედიტებული არაუმეტეს ორი ჯგუფი თითო მაუწყებლიდან, საპარლამენტო ღონისძიებების დასრულებამდე”, - წერია განცხადებაში.
0
0