„იბერიისა“ და ქუთაისის „ტორპედოს“ შეხვედრამდე (3:3) ლევან საგინაშვილმა საჩემპიონო ქამარი წარადგინა.

„ქართველ ჰალკს“ „იბერიის“ დირექტორმა, კახა ამირიძემ, სიმბოლურად, გუნდის მაისური გადასცა, შემდეგ კი მან ფეხბურთელებთან ერთად სამახსოვრო სურათები გადაიღო.

ლევან საგინაშვილმა მორიგი დიდი გამარჯვება რამდენიმე დღის წინ მოიპოვა. სტამბოლში გამართულ მკლავჭიდელთა East vs West ტურნირზე, სუპერმძიმე წონით კატეგორიაში კანადელი დევონ ლარატი 6:0 დაამარცხა და საჩემპიონო ქამარი მოიპოვა.

ქართველ სპორტსმენს ტრავმის გამო წელიწადზე დიდი ხნის განმავლობაში იძულებითი შესვენების აღება მოუხდა, თუმცა East vs West-ის ტურნირზე მაინც შესანიშნავად იასპარეზა. ლევან საგინაშვილის გარდა, ჩემპიონები ირაკლი ზირაქიშვილი და დავით სამუშია გახდნენ.