ამის შესახებ დავითაშვილმა მთავრობის სხდომის შემდეგ გამართულ ბრიფინგზე განაცხადა.
„აქ მკაფიოდ უნდა აღინიშნოს, რომ საქართველოს მხრიდან განცხადება რამდენიმე კომპანიიდან რუსეთში გაგზავნილი იყო 2020 წელს. 2020 წლიდან დღემდე ეს კომუნიკაცია არ ყოფილა და ამიტომ აჟიოტაჟი, რომელიც საზოგადოებაში წარმოიშვა, ვფიქრობ, ალბათ ინფორმაციის ნაკლებობის გამოა. მით უმეტეს ომის პირობებში, საქართველოს დამატებით ამ საკითხთან დაკავშირებით არ მიუმართავს. ამ საკითხზე მიმართვა იყო კერძო კომპანიების მხრიდან, რომ მათ აინტერესებდათ ახალ ბაზარზე გასვლა და ცხოველური წარმოშობის სურსათპროდუქტებს სპეციალური რეგულაციები აქვს. ანუ კონკრეტულ საწარმოებს აღიარება სჭირდება შესაბამისი მაკონტროლებელი ორგანოების მხრიდან, რასაც კიდევ უფრო დეტალურად განმარტავს სოფლის მეურნეობის სამინისტრო. ეს ინფორმაცია საქართველოდან გაგზავნილია 2020 წელს. 2020 წლიდან დღემდე არ ყოფილა ამაზე პასუხი. პასუხი იყო პარასკევს თუ შაბათს, როდესაც პრაქტიკულად რუსულმა მხარემ გადაწყვეტილებები მიიღო, რომ განცხადებაზე, რომელიც მათ ჰქონდათ საქართველოდან მიღებული, შესაძლოა, ყოფილიყო დადებითი პასუხი. ეს არის მთელი ისტორია ამ თემასთან დაკავშირებით“, – განაცხადა ლევან დავითაშვილმა.
0
0
