ზაგრებში მიმდინარე ევროპის ჩემპიონატზე ბერძნულ-რომაული სტილით ჭიდაობაში ლერი აბულაძე ოქროს მედლის მფლობელი გახდა.

ქართველმა ფინალში აზერბაიჯანელ ტელეჰ მამადოვს დამაჯერებლად 5:1 მოუგო. აბულაძემ კონტინენტის ჩემპიონის ტიტული ზედიზედ მეორედ მოიპოვა.

ევროპის პირველობაზე ბრინჯაოს მედალს ნუგზარ წურწუმია (55 კგ) დაეუფლა, რომელმაც სომეხ რუდიკ მკრტიჩიანს შეხვედრის პირველივე ნახევარში 8:0 სძლია.

ტურნირზე რამდენიმე წუთში მესამე ადგილისთვის ლაშა გობაძე (87) და იაკობ ქაჯაია (130) იჭიდავებენ.

შეგახსენებთ, რომ რამდენიმე დღის წინ, თავისუფალ ჭიდაობაში დასრულებულ ევროპის ჩემპიონატზე ჩვენმა სპორტსმენებმა ექვსი მედლის მოპოვება შეძლეს. ქართველების ანგარიშზე ერთი ოქროს, ერთი ვერცხლისა და ოთხი ბრინჯაოს მედალია.