Leopard  2-ის ტანკები, რომელთა გადატანა კიევში გერმანიის ხელისუფლებამ წინა დღით დაამტკიცა, უკრაინაში მარტის ბოლოს ან აპრილის დასაწყისში ჩავა. ამის შესახებ ხუთშაბათს გერმანიის თავდაცვის მინისტრმა ბორის პისტორიუსმა განაცხადა.

გერმანიის თავდაცვის მინისტრმა ასევე აღნიშნა, რომ უკრაინელი სამხედროების წვრთნა Marder-ის ოპერირების მიზნით უახლოეს დღეებში დაიწყება.

40 ერთეული ასეთი აღჭურვილობა შედის ბერლინის მიერ იანვრის დასაწყისში გამოცხადებული დახმარების პაკეტში.

გერმანია ასევე გაწვრთნის უკრაინის შეიარაღებული ძალების სამხედროებს მძიმე ლეოპარდის ტანკების სამართავად, მაგრამ, პისტორიუსის თქმით, ეს ცოტა მოგვიანებით მოხდება - წერს France-press.