საქართველოს „ლეიბორისტული პარტიის” ლიდერი, შალვა ნათელაშვილი ბრიტანელ ამომრჩეველს სოციალური ქსელით მიმართავს.

ოპოზიციონერი პოლიტიკოსი წერს, რომ ლეიბორისტული პარტიის მხარდაჭერით დიდი ბრიტანეთი გახდება ბევრად ძლიერი

,,მ ი მ ა რ თ ვ ა  ბ რ ი ტ ა ნ ე ლ  ა მ ო მ რ ჩ ე ვ ე ლ ს
დღეს ბრიტანელი ხალხი აკეთებს ისტორიულ არჩევანს. ლეიბორისტული პარტიის მხარდაჭერით დიდი ბრიტანეთი გახდება ბევრად ძლიერი და მსოფლიოს ხალხებს მიეცემათ მეტი იმედები დემოკრატიის გამარჯვებისა და ნათელი მომავლისთვის ბრძოლაში. დიდება და გამარჯვება დიდ ბრიტანეთს!!!" -  წერს ნათელაშვილი

ცნობისთვის, დიდ ბრიტანეთში ვადამდელი საყოველთაო არჩევნები დაიწყო. ინგლისის, შოტლანდიის, უელსისა და ჩრდილოეთ ირლანდიის 650 ოლქში 40 000 საარჩევნო უბანი ადგილობრივი დროით 7:00 საათზე გაიხსნა და ხმის მიცემა 22:00 საათამდე იქნება შესაძლებელი. 
უკანასკნელი გამოკითხვების მიხედვით, სავარაუდოდ, არჩევნებში „ლეიბორისტული პარტია“ გაიმარჯვებს.